Sfida: Ka shumë shpresë për fitoren e qytetareve

Në mbyllje të fushatës partia e kryesuar nga Gjergj Bojaxhi ka shpërndarë një mesazh për qytetarët duke u shprehur optimist për rezultatet që pritet të marrë kjo parti në zgjedhjet e 25 qershorit. “ Sfida për Shqipërinë beson se së bashku mund të përsërisim ose ta tejkalojmë suksesin që patëm për garën e bashkisë. Këto 27 vjet, shpesh kemi votuar atë që kemi parë si llogaritjen më racionale për votën tonë. Por, këtë herë, le t’i japim vërtet vlerë votës.  Le të mos votojmë të keqen më të vogël që vjen nga parlamenti. Mbi të gjitha, le të mos qëndrojmë në shtëpi, sepse ata këtë duan që ne të bëjmë”, thuhet në mesazh.