Një sfidë e re dhe rrezikshme, po qarkullon në median sociale TikTok, nga e cila kanë mbetur të lënduar dhjetëra studentë.
Lajmin e bëri të ditur kryetarja e Autoritetit të Medias Audiovizive, Armela Krasniqi, e cila përmes një postimi në rrjete sociale ka njoftuar prindërit dhe adoleshentët.
Nga kjo lojë e quajtur “Sfida e Supermenit” e përhapur në Rumani kanë përfunduar në spital dhjetëra adoleshentë, me fraktura të rënda.
Krasniqi i ka bërë thirrje të rinjve shqiptarë por edhe prindërve që duhet të bëjnë kujdes.
“KUJDES
PRINDËR e ADOLESHENTË
Dhjetëra adoleshentë në Rumani kanë pësuar fraktura dhe trauma të rënda pas një tendence në TikTok të quajtur, “Sfida e Supermenit”. Sfida qëndron tek hedhja përpara me një krah të zgjatur, si personazhi për fëmijë, Superman, për t’u kapur, ose jo, nga miqtë.
Nga “loja” e rrezikshme brenda një dite, kanë përfunduar në spital me trauma të rënda, mbi 20 adoleshentë.
PRINDËR bëni kujdes! Shpjegojuni fëmijëve tuaj rrezikun që fshihet pas tendencave të tilla online!
FËMIJË dhe ADOLESHENTË mos bini pre e sfidave të tilla. Përveçse rrezikoni shëndetin dhe, shpesh jetën, NUK ka asgjë argëtuese në to”, shkruan Krasniqi.
