Nisja e sezonit turistik do të sjellë edhe shtimin e kontrolleve në subjekte të ndryshme akomoduese dhe të ofrimit të shërbimeve për pushuesit, për respektim të kushteve higjieno-sanitare.
Duke inspektuar nga afër një subjekt në Tiranë, ministrja e Shëndetësisë dhe Mbrojtjes Sociale, Albana Koçiu theksoi nevojën e respektimit të kritereve.
“ISHSH e ka detyrim që gjatë gjithë sezonit të verës të dalë dhe të kontrollojë respektimin e kushteve higjieno-sanitare. Më vjen mirë që ju keni zbatuar të gjithë këto kritere“, tha ministrja Koçiu.
Koçiu shtoi se po vijon në vijën bregdetare edhe procesi i dezinsektimit.
“Ne bëjmë pjesën tonë si institucione së bashku me ISHP dhe OSHKSH, por ndërkohë edhe vetë bizneset kanë një përgjegjësi të shtuar”, shtoi më tej ministrja.
Si rezultat i masave, Drejtuesit e Inspektoratit Shëndetësor thanë se sezonin e kaluar nuk ka pasur asnjë rast infektiv nga pishinat.
Tv Klan
