Rreth 300 mjekë dhe infermierë do të jenë pjesë e 34 Qendrave Shëndetësore Verore në të gjithë vendin si pjese e masave për sezonin turistik. Nga Durrësi Ministrja e Shëndetësisë Albana Koçiu theksoi se janë ndërmarrë hapa konkretë për të garantuar mirëqenien e qytetarëve dhe turistëve të shumtë.
Albana Koçiu, Ministre e Shëndetësisë: 300 mjekë dhe infermierë, të cilët do i garantojnë pushuesve vendas dhe të huaj një sezon turistik të shëndetshëm në Shqipëri. 34 Qendrat Shëndetësore do të jenë në shërbim të tyre janë hapur që nga 1 Qershori 24/7 dhe do të shërbejnë me përkushtim me motivim.
Ministrja e Shëndetësisë shtoi gjithashtu se në dispozicion të pushuesve përgjatë gjithë sezonit turistik do të jenë edhe Spitalet Rajonale për çdo urgjencë.
