Skuadra e Kukësit ka bërë lëvizjen më të rëndësishme për sezonin e ri duke kthyer në vendin tonë sulmuesin Pero Pejiç.
Verilindorët kanë në radhët e tyre një sërë sulmuesish si Emini, Rangel, Guri dhe Scepanoviç, por tashmë të gjithë duhet të luftojnë kush do te luaje pwrkrah kroatit, i cili padyshim që do të jetë një titullar te kjo skuadër.
“Futbollisti rikthehet në Kukës, pas një viti të luajtur në Iran ku ka qenë pjesë e Esteghlal”, shkruhej në njoftimin e publikuar nga Kukësi, bashkë me fotot e tij përkrah presidentit Gjici.
“Kroati është padyshim një ndër lojtarët më kualitativ të ardhur ndonjëherë në Shqipëri dhe ka treguar vlera të padiskutueshme duke qenë për vite me radhë si golashënues.
Në sezonin 20142015, ai luajti për Kukësin dhe shënoi 31 gola në 35 ndeshje në kampionat dhe 4 gola në 5 ndeshje në Kupën e Republikës./ Panorama Sport
