Ditën e sotme po mbahet në Kuvendin e Shqipërisë, Sesioni i XII i bashkëpunimit të Evropës Lindore.
Prezent në këtë takim ishte edhe Ministri për Evropën dhe Punët e Jashtme, Igli Hasani, I cili tha gjatë fjalës së tij se ky sesion ka një rol të rëndësishëm lidhur me aspiratën e integrimit në unionin evropian.
Më tej, Hasani theksoi se Shqipëria ka pasur nderin të mbajë pesë kryesi në formate kyçe rajonale: Bashkëpunimin Ekonomik të Detit të Zi, Kartën e Adriatikut, Nismën e Evropës Qendrore, Nismën për Azil, Migracion dhe Refugjatë, dhe SEECP-në.
“Duke parë përpara, duhet të njohim rolin thelbësor që luajnë parlamentet kombëtare në këtë rrugëtim. Përmes veprimit legjislativ, mbikëqyrjes dhe angazhimit publik, ju ndihmoni që perspektiva evropiane të mos mbetet vetëm një aspiratë diplomatike, por të bëhet një zgjedhje konkrete dhe e përqafuar nga shoqëritë tona.
Kjo konvergjencë unike na ka mundësuar të sjellim një energji dhe fokus evropian në axhendën rajonale. Me këtë vizion, kemi zgjedhur dhe moton e kryesimit nga Tirana: Të formësojmë të ardhmen tonë evropiane”, tha ai.
