Mbrojtja ajrore ruse ka realizuar një sulm të ri me dron në Moskë, tha kryebashkiaku i qytetit.
Kryebashkiaku i Moskës Sergei Sobyanin tha herët të shtunën se një dron u shkatërrua nga sistemet e mbrojtjes ajrore mbi distriktin Istra në perëndim të Moskës.
Shërbimet e urgjencës ishin në vendngjarje dhe nuk ka pasur raporte fillestare për dëme apo viktima, tha Sobyanin në aplikacionin e mesazheve Telegram.
Bastisja me dron herët në mëngjes të shtunën detyroi autoritetet të mbyllin përkohësisht të tre aeroportet kryesore që i shërbejnë kryeqytetit.
Ushtria ruse ka raportuar se dronët ukrainas dhe një sulm me raketa kanë shënjestruar në mënyrë të përsëritur territorin rus gjatë javës së kaluar dhe tre aeroporte të Moskës: Sheremetyevo, Domodedovo dhe Vnukovo janë detyruar të pezullojnë përkohësisht fluturimet si rezultat.
Fluturimet u ndërprenë gjithashtu në aeroportet e Moskës të martën, të mërkurën dhe të premten, sipas raportimeve.
Ukraina nuk komentoi menjëherë sulmin e fundit me dron dhe pothuajse kurrë nuk e merr publikisht përgjegjësinë për sulmet brenda Rusisë ose në territorin e kontrolluar nga Rusia në Ukrainë.
Ministria e Mbrojtjes e Rusisë raportoi të premten se forcat e saj kishin rrëzuar nëntë dronë ukrainas dhe kishin shtypur 33 të tjerë me “luftë elektronike” në sulmin më të madh me dron deri më tani nga Kievi në gadishullin e Krimesë të aneksuar nga Rusia që nga fillimi i pushtimit të Ukrainës nga Moska vitin e kaluar./Opinion.al
