Aktivistët pro-demokracisë në Hong Kong kanë planifikuar të vazhdojnë marshimet më 14 tetor pas një fundjave me protesta të dhunshme, në të cilat janë hedhur bomba me naftë, ndërsa zyrtarë policorë janë kundërpërgjigjur me gaz lotsjellës dhe plumba gome.
Një lagje afër ndërtesës qeveritare është caktuar si vendi ku do të takohen protestuesit në mesditë me orën lokale.
Një ditë më parë protestat ishin të qeta, por më vonë janë përshkallëzuar si pasojë e përleshjeve të policisë me aktivistët.
Prej gati katër muajsh, marshimet dhe përleshjet mes policisë dhe protestuesve kanë përfshirë ish-koloninë britanike.
Ato fillimisht kanë nisur për të kundërshtuar një projektligj për ekstradim të të dyshuarve në Kinë, mirëpo pavarësisht pse ky dokument është pezulluar, protestuesit kanë shtuar kërkesat e tyre duke kërkuar më shumë demokraci dhe kryerje të reformave në disa fusha.
