Megjithëse familjarët e miqtë e të dyve shpresojnë se diçka mund t’i rikthejë bashkë, çifti i famshëm Beren Saat dhe Kenan Dogulu po shkon drejt divorcit. Edhe pse lajmi qarkullon prej mujash, duket se gjithçka është zyrtarizuar. Aktorja dhe këngëtari i njohur po i japin fund marrëdhënies me një divorc të qetë në gjykatë. Sipas mediave turke, për “Bihterin” nuk ka kthim pas.
Në fund të muajit mars, gjykata do të vendosë divorcin dhe nga sa flitet, gjithçka është mbyllur me konsensus. Sipas programit “2.Sayfa”, aktorja dhe këngëtari do të divorcohen me marrëveshje më 28 mars. Menaxheri i 44-vjeçarit Dogulu tha se “çdo martesë ka probleme. Këto nuk janë probleme të pazgjidhshme apo pengesa të pakalueshme”, ndërsa aktorja 35-vjeçare nuk ka dhënë asnjë koment publik për atë që po i ndodh në jetën private.
Beren Saat dhe Kenan Dogulu u martuan në vitin 2014 në dasmën më të përfolur dhe të komentuar të vitit. Pak kohë më parë, mediat turke shkruan edhe për një shtatzëni të mundshme të aktores, por kjo e fundit e mohoi lajmin menjëherë.
Beren Saat është një ndër aktoret më të dashura turke në Shqipëri. Ajo u bë e njohur gjatë serialit “Dashuri e Ndaluar”, ku luante në rolin e Bihterit. /Opinion.al
