Në spitalin e Fierit vazhdojnë të mbërrijnë punonjës të kompanisë së huaj, të cilët dyshohet se janë asfiksuar nga lëndët kimike gjatë procesit të punës, ku prodhojnë pajisje elektrike për automjete.
Mbrëmjen e djeshme, tre ambulanca mbërritën në ambientet e fabrikës së huaj, ku fillimisht u dyshua se disa punonjës janë asfiksuar nga lëndët kimike që përdoren gjatë procesit të punës që kryhen brenda kësaj kompanie që ushtron aktivitetin prej gati 5 vitesh dhe operon në sektorin e pajisjeve elektrike për automjetet.
Kompania ende nuk ka bërë një sqarim se çfarë i helmoi punonjësit e saj gjatë punës. Për ngjarjen është ngritur një grup hetimor për të hedhur dritë për rrethanat e helmimit të këtyre punonjësve.
