Kanë rinisur punimet në autostradën Tiranë-Durrës për mbushjen e gropave. Aktualisht po punohet në segmentin Maminas – Sukth. Kjo ka bërë që të rëndohet trafiku në autostradë.
ARRSH dhe Policia Rrugore njoftojnë drejtuesit e mjeteve se do të duhet sërish të devijojnë trafikun në rrugët dytësore dhe për këtë duhet ndjekur sinjalistika provizore si dhe udhëzimet e Policisë Rrugore në terren.
Automjetet që udhëtojnë nga Tirana në drejtim të Durrësit duhet të futen në nënkalimin e Maminasit të autostradës dhe të vazhdojnë në rrugën dytësore deri në kryqëzimin e Sukthit dhe në vazhdim mund të dalin përsëri në autostradë ose të vazhdojnë në rrugën dytësore.
Devijimi në këtë segment do të vazhdojë deri ditën e enjte.
