Gjatë pasdites në portin e Durrësit u sekuestrua rreth 200 kg kanabis, ndersa nje person u arrestua. Lënda narkotike u zbulua gjatë kontrollit të ushtruar në port në kamionin tip Skania me targë AA 532 OA. Efektivët patën dyshime se në këtë automjet mund të transportohej drogë ndaj në një kontroll të imtësishëm, ata gjetën të fshehur në brendësi të tij 143 pako me peshë rreth 200 kg kanabis
Policia vuri në prango shoferin i cili është njëherësh dhe pronar i kamionit, Ilirjan Byberi 56 vjeç me banim në Durrës.
Ai do të hetohet në vijim nga Prokuroria e Krimeve të Rënda Tiranë për veprën penale “Trafikimi i narkotikëve” e mbetur në tentativë
Pak ditë më parë në portin e Durrësit janë zbuluar nga policia 30 kg heroinë që transportohej sërish me mjete të tonazhit të rëndë.
