Një tjetër alarm për bombë ka detyruar aeroportin Basel-Mulhouse, në Zvicër që të evakuohet këtë të enjte.
Mediat e huaja bëjnë me dije se aeroporti, i cili ndodhet në tokën franceze, është vetëm një prej aeroporteve që është dashur të mbyllet përkohësisht në Francë ditët e fundit për shkak të kërcënimeve me bombë.
Raportohet se pasagjerët janë transportuar larg vendit me autobus dhe se ende nuk dihet nëse ishte një bombë e vërtetë apo një alarm i rremë. Janë përdorur mjete të shumta kontrolli e verifikimi dhe organet e sigurisë po punojnë në mënyrë aktive për t’u kthyer sa më shpejt në gjendjen normale.
Gjithashtu në faqen e internetit të aeroportit, fluturimet dhe uljet e ndryshme janë anuluar përkohësisht.
Një seri kërcënimesh me bomba vazhdojnë ta mbajnë Francën të bllokuar pas vendosjes së nivelit më të lartë të alarmit terrorist. Ashtu si një ditë më parë, një numër aeroportesh rajonale u evakuuan përkohësisht për shkak të kërcënimeve me bomba./Opinion.al
