I drejtuar nga gazetari spanjoll David Beriain, seriali “CLANDESTINO” kthehet në transmetim me akses ekskluziv në organizatat kriminale më hermetike në botë.
Sezoni i ri i serialit do t’i dërgojë shikuesit thellë në nëntokën kriminale të industrisë së rrëmbimeve të Venezuelës, mafias italiane, mafias shqiptare, biznesit të paligjshëm të trafikimit të armëve dhe narkos kolumbiane. Premiera e serialit do të jepet më 31 Mars në orën 21:00.
Episodi i parë i serialit ofron një portret real dhe të ngushtë të trafikimit të armëve nga Shtetet e Bashkuara të shitura në grupe kriminale në Meksikë, Guatemalë, El Salvador dhe Kolumbi. Për të arritur në zemrën e organizatës, Beriain krijon lidhje unike me anëtarët kryesorë të bandave, nëpërmjet besimit të fuqishëm që rezulton në tregimet humane të dorës së parë që kurrë nuk janë parë ose thënë më herët në televizion.
Mijëra armë kalojnë kufirin çdo muaj për të armatosur guerilët e rrezikshëm dhe organizatat e krimit paraushtarak në Amerikën Latine. Një akses i jashtëzakonshëm i paparë lejon CLANDESTINO të mbajë gjurmët e këtyre armëve që dalin nga udhëtimi i tyre në veri dhe përfundojnë në konfliktet e përgjakshme të luftës duke vrarë fqinjët e tyre në jug.
Seriali vazhdon rrugëtimin e tij në Venezuelë për të hyrë në botën e krimit të industrisë së rrëmbimeve. Intervistat ballë për ballë me rrëmbyesit zbulojnë detaje se si funksionon biznesi i tyre i paligjshëm. Gazetari interviston viktimat e mbijetuara dhe tregon se si venezuelasit aktualisht stërviten për t’u përballur me rrëmbimet, gjithashtu merr dëshmi nga oficerët e policisë të përfshirë në rrëmbimin e civilëve.
Sezoni i ri gjithashtu zbulon operacionet e përditshme të grupeve të tjera kriminale në Evropë, duke përfshirë “Baby Camorra” italiane, të udhëhequr nga pasardhësit e bosëve të vjetër të mafias, dhe Mafia Shqiptare, një nga organizatat kriminale më hermetike në botë që ende mban ende kodet e trashëguara nga stërgjyshëri për nderin dhe hakmarrjen./Opinion.al
