Qipro u trondit nga zbulimi i një vrasësi serial. 35-vjeçari Nikos Metaxas, akuzohet për vrasjen e 7 grave, duke përfshirë edhe dy fëmijë të mitur, vrasje që tashmë janë pranuar prej tij.
Mëngjesin e kësaj të diele, Metaxas ka shkuar i shoqëruar nga autoritetet qipriote në Liqenin e Kuq, për të gjetur prova të cilat vrasësi serial i kishte zhdukur. Deri më tani sipas policisë vendase, janë gjetur dy valixhe, ndërsa raportohet se brenda tyre dyshohet që të jenë fshehur dy trupa të pajetë.
Vrasësi serial ka pranuar deri më tani 7 vrasje, megjithatë ka dyshime se mund të jetë i përfshirë edhe në krime të tjera.
Krimet kanë ndodhur për herë të parë në Shtator të vitit 2016 dhe 35-vjeçari ka vazhduar vrasjet deri më 26 Prill 2019 kur dhe u zbulua e u arrestua.
Metaxas pranoi se ka vrarë Marry Rose, vajzën e saj 6-vjeçare Sierra, Arian Palanos, Maricar Valdez, Katka Anou dhe nënë e bijë Florentina Bunea dhe Elena Natalia Bunea, të gjitha shtetase të huaja. Deri më tani janë identifikuar vetëm trupat e Marry Rose, Arian Palanos dhe Katka Anou. /Opinion.al
