Seria A/ Berat Gjimshti i pakënaqur te Atalanta, ja ekipet që e kërkojnë

Berat Gjimshiti nuk po gjen vend tek Atalanta, në Serinë A, por gjithsesi ka klube të interesuar për të. Sipas Gazzetta dello Sport, në orët e fundit Atalanta ka nisur bisedimet me Krotonen, që po interesohet për qendërmbrojtësin e Shqipërisë. Klubi i sapongjitur në Serinë A kërkon urgjentisht përforcime dhe Gjimshiti është një mundësi mjaft e mirë, edhe për faktin se ka një pagë të ulët dhe do ta pranonte me entuziazëm transferimin, qoftë përfundimtar, qoftë në huazim, me kushtin e vetëm që të luajë rregullisht.