Kryeministri Edi Rama ka shprehur shqetësimin e tij për situatën e krijuar në veri të Kosovës.
Gjatë fjalës së tij, Rama është shprehur se është për tu shqetësuar fakti që Kosova po tkurret në sytë e atyre që e krijuan si shtet.
Në deklaratën që ka mbajtuar ditën e sotme, ai ka theksuar se Serbia nuk është më kërcënim për Kosovën pasi ai ka marrë fund më 1999, por janë shqetësuese tonet ultimative të aleatëve që mund të sjellin pasoja.
“Unë nuk kam qenë dhe nuk jam i shqetësuar për atë që shqetësohen të tjerët. Jam i shqetësuar për tkurrjen dramatike të Kosovës në sy të aleatëve. Gjë që mund të sjellë pasoja në shumë aspekte. Duke filluar nga rritja numrit të trupave në Kosovë, që do të thotë ulje e kapacitetit Sovran të Kosovës.
Humbje e Kosovës në aspektin e humbjes së një shansi, mundësie për të integruar veriun në jetën e vetë institucionale duke hapur rrugën që veriu të kalojë në kontrollin e huaj. Gjë që do ishte e tmerrshme. S’ka kërcënim për Kosovën, është në mendjet e politikaneve në Kosovë dhe është një mënyrë për të bërë politike të brendshme. Serbia e ka humbur Kosovën në 1999 dhe s’ka fuqi që t’i prekë asnjë fije floku”, thotë Rama./Opinion.al
