Presidenti serb, Aleksandar Vuçiç, ka njoftuar të premten se Serbia ka nisur vaksinimin e qytetarëve të veriut të Kosovës.
Ai ka thënë se vaksinimi filloi në qendrën shëndetësore në Leposaviq dhe se gjatë ditës do të vazhdojë edhe në veri të Mitrovicës.
“Vaksinimi ka filluar në Leposaviç. Sot do të arrijë edhe në Mitrovicë. Kjo vaksinë është për personat mbi moshën 75-vjeçare. T’i ruajmë së pari ata, e më pas edhe të tjerët”, ka deklaruar Vuçiç të premten në aeroportin ushtarak në Batajnicë.
Serbia është shteti i parë në rajon që filloi ka filluar vaksinimi kundër koronavirusit, me vaksinën e kompanive Pfzer/BioNTech. Personi i parë që u vaksinua ka qenë kryeministrja e vendit Ana Bërnabiç e cila e beri live vaksinën me qëllim rritjen e besueshmërisë së qytetarëve për efektshmërinë e saj.
Dozat e para të vaksinës amerikano-gjermane Pfizer BioNtech arritën në Serbi në fillim të kësaj jave, doza të reja priten më 4 janar dhe më pas më 11 janar, njoftoi Vuçiç sot në një konferencë për media./Opinion.al
