Mijëra qytetarë kanë dalë të protestojnë në Beograd dhe qytete të tjera të shtunën në mbrëmje. Është java e dhjetë që ushtrohet presion ndaj presidentit serb, Aleksandar Vuçiç, për t’u dorëhequr.
Presidenti tha vitin e kaluar se nuk do të japë dorëheqjen edhe nëse mblidhen 5 milion qytetarë. Motoja kryesore e protestës është #1nga5milionë.
Protestës iu bashkuan edhe studentët e Universitetit të Beogradit. Ata kërkonin dorëheqjen e një tjetër politikani, atë të ministrit të arsimit Mladen Sarceviq. Thirrjes së studentëve i janë bashkuar edhe një grup profesorësh, të cilët Sarceviq i quajti “të papeshë”.
Protestuesit po e akuzojnë presidentit Vuçiç për shkelje të lirive demokratike, kontrollë ndaj mediave si dhe për goditjet ndaj kundërshtarëve politikë. Vuçiç ka mohuar këto akuza. Protestat u ndezën kur një grup njerëzish sulmuan me dhunë politikanin opozitar, Borko Stefanoviç në nëntor të vitit të kaluar./E.L
