BEOGRAD- Në mesin e të arrestuar janë ish-ministri Slobodan Milosavljeviç, ish-drejtor i Agjencisë për luftën kundër korrupsionit Zorana Markoviç si dhe biznesmeni i njohur Zeljko Zunic.
Të gjithë janë arrestuar nën dyshimin se kanë kryer korrupsion nga viti 2004 e në vazhdim, duke i shkaktuar buxhetit të shtetit një dëm prej 100 milionë euro. Ministri i Brendshëm tha se 79 të arrestuarit akuzohen për rreth 20 raste korruptive të dokumentuara.
Veprat penale të kryera nga politikanë, njerëz të administratës dhe persona të lidhur me ta që nga 2004 e këtej janë: pastrim parash, shpërdorim të detyrës, ryshfet, shpërdorim të tenderave, korrupsion në fushën e bujqësisë, etj.
Duke vlerësuar bashkëpunimin e qeverisë me policinë dhe prokurorinë ministri i Brendshëm serb tha se është arritur një nga objektivat më të rëndësishëm të qeverisë së Vuçiç në luftën kundër korrupsionit. Aksion që ai paralajmëroi se nuk do të ndalet.
