Këtë vit shumë qytetarë nga Serbia kanë zgjedhur të pushojnë në bregdetin shqiptar. Lidhur me numrin e lartë të qytetarëve serb që vizitojnë Shqipërinë, media serbe “Blic” shkruan se ata nuk zgjedhin vendin tonë vetëm për të pushuar, por dhe për të investuar.
Sipas “Blic” në Shqipëri ka çmime të lira për të pushuar, por dhe për të investuar në blerjen e pronës pranë bregut të detit.
“Shqipëria ofron çmime të lira jo vetëm për të pushuar, por edhe për të investuar. Kohët e fundit ka një vëmendje të madhe të qytetarëve tanë për të blerë prona në breg të detit apo edhe fare pranë tij”, shkruan “Blic”.
Media serbe shkruan se në vendon tonë mund të blesh 30 metër katrorë tokë në bregdet për 20 mijë euro, çmim më i lirë i krahasur me me Turqinë, Kroacinë apo Malin e Zi.
Më tej në këtë mediaj shkruhet se në Shqipëri pritet që në vitet e ardhme të rritet çmimi i pronës, prandaj tani është koha më e mirë për serbët që të investojnë në vendin tonë.
