Senatori italian i Forza Italia, Mario Mauro ka qenë sot në Tiranë në mbështetje të protestës së opozitës. Duke folur nga çadra e lirisë ai tha se Partia Popullore Europiane mbështet plotësisht kauzën e PD-së.
“Shteti ka për detyrë të mbrojë lirinë e qytetarëve të vetë. Shteti është mbrojtësi i lirisë dhe jetës së qytetarëve dhe jo pronari i tyre. Dhe sot të gjitha partitë thonë që mbrojnë liritë. Por unë dua që ne të kujtojmë dicka. Kur në vitin 1989 ra sistemi sovjetik, të gjitha partitë komuniste në Europë ndryshuan emrin e tyre. Të gjitha partitë ish komuniste në Europë u bënë socialistë. Dhe të gjithë u bënë ‘europianistë’”, tha ai.
Mario Mauro më tej u shpreh: “Projekti politik i Europës së bashkuar është projekti që i ka lejuar Europës të jetojë në paqe për 70 vjet. Nëse vëreni historinë tonë, gjendja normale e jetës tonë nuk ka qënë paqja por lufta. Pa këto vlera dhe pa këtë vision ka konflikt dhe vetëm konflikt. Dhe për këto arsye është shumë e rëndësishme që të luftojmë për lirinë dhe demokracinë. Sepse mjafton në një vend që liria dhe demokracia të jetë e nëpërkëmbur në të gjithë Evropën vlen e njëjta gjë. Dhe për këtë arsye populli shqiptar duhet të jetë më i vendosur se kurrë për të mbrojtur lirinë dhe demokracinë dhe për këtë arsye është shumë e rëndësishme që qytetarët shqiptarë duhet të kërkojnë zgjedhje të lira dhe të ndershme. Sepse zgjedhje të lira në Shqipëri çojnë përpara projektin e Europës së bashkuar, sepse kjo bën që Europa të jetë vetvetja, toka e lirisë dhe e demokracisë. Në të kundërt do të kthehej një Bashkim Sovjetik dhe këtë nuk do ta lejojmë.
Kjo tendë është zëri i popullit shqiptar dhe është ky popull që do çojë Shqipërinë në fitore.
Dhe Shqipëria aktualisht e ka Skënderbeun e tij dhe ai është Lulzim Basha!”, e mbylli ai fjalën përpara protestuesve në çadër.
