Ditën e sotme Senati Akademik i Universitetit të Tiranës rikonfirmoi mbështetjen për studentët, ndërkohë që i kërkoi këtyre të fundit ndjekjen e procesit mësimor, duke respektuar njëkoësisht të drejtën e tyre për të protestuar.
Pas kësaj ka reaguar kryeministri Edi Rama, i cili me anë të një postimi në Twitter përshëndet deklaratën e Senatit Akademik të UT, ndërsa theksoi se kërkesat do të përmbushen sipas planit të publikuar.
‘Përshëndes deklaratën e Senatit Akademik të UT.Uroj që t’i garantohet mësimi një orë e më parë shumicës që po pengohet brutalisht.Kërkesat do të përmbushen sipas planit të publikuar dhe po shkojmë shumë përtej tyre.Dialogu e bashkëpunimi me universitetet do thellohet’, shkruan Rama në Twitter.
