Kryetarja e LSI, Monika Kryemadhi ka ndarë disa fjalë ngushëllimi me ndjekësit e saj në facebook për Luzhiana Abazin, 46 vjecaren që u nda nga jeta sot pas një sëmundje të pashërueshme. Luzhiana Abazi me profesion mjeke, ka aderuar heret në LSI dhe ka patur disa funksione publike, si kryetare e minibashkisë Kombinat dhe drejtore e Fondit të Sigurimeve për Tiranën.
Më poshtë statusi i Kryemadhit në facebook
Nuk mund të shkruaj, ka orë që mundohem por është vështirë. Luzhi u largua fizikisht sot nga ne, duke na lënë një dhimbje dhe boshllëk të pazëvendueshëm. Energjia dhe dashuria që ajo na dhuronte pa kushte do të na mungojë gjithmonë. Ndoshta sëmundja e rëndë ja doli të të mundë përkohësisht, por ti do jesh engjëlli që do na shohësh e do kujdesesh për ne, siç ke bërë gjithmonë. E dashur motra ime, mikeshë e zemrës dhe e betejave tona, do të jesh gjithmonë pjesë e imja, në ditë të vështira dhe të mira. Sepse askush nuk mund ta zëvendësojë forcën dhe kurajon që vëtem ti dije të na jepje si askush.
