Këngëtari Robbie Williams sapo ka zbuluar se vuan nga një çrregullim i gjumit që së shpejti mund t’i shkatërroje jetën e karrierën.
43-vjeçari vuan nga një çrregullim i gjumit gjatë së cilës zgjohet natën i pavetëdijshëm për të ngrënë embëlsira. Në një video live në blogun e tij këngëtari i shqetësuar u ka treguar fansave për këtë problem të rrezikshëm.
“Po më ndodh diçka e çuditshme ku unë zgjohem në mes të natës sonambul me një dëshirë për të ngrënë ëmbëlsira. Ndonjëherë ha vetëm sheqer dhe nuk e kontrolloj dot këtë sëmundje pasi jam në gjumë. Sapo kam zbuluar se ka rreth një vit që e bëj këtë gjë thuajse çdo natë dhe nëse vazhdoj kështu së shpejti do të më shihni obez.”
Ish pjestari i grupit “Take That” ka shtuar se gjatë ditës mban një dietë të fortë për të kompensuar ato që konsumon natën në mënyrë që shëndeti i tij të mos jetë në rrezik.
