Kur duhet më pak se një orë nga nisja e derbit të shumëpritur mes Tiranës dhe Partizanit, në stadiumin “Selman Stermasi” ka ndodhur një gjest i jashtëzakonshëm.
Babai i Leos së vogël, tifozit të Partizanit të ndarë nga jeta ditën e djeshme është ftuar sot në këtë takim, për t’u nderuar nga tifozeritë e të dy skuadrave, shkruan newssport.al
Dashi Cara ka përshkruar tapetin e stadiumit duke u duartrokitur në mënyrë masive jo vetëm nga “Guerrils” por edhe nga “Fanatics”, disa përfaqësues të të cilëve madje kanë zbritur në fushë për ta takuar dhe përqafuar.
Një gjest vërtet i veçantë dhe me shumë kuptim që përcjell mesazhin real të futbollit dhe sportit në përgjithësi.
