Këngëtarja Selena Gomez iu rikthye pas një kohe të gjatë pushimi nga tregu muzikor me këngën “Lose You to Love Me”.
Ndjekësit por edhe mediat e huaja kanë aluduar se kjo këngë është e gjitha një dedikim për ish-partnerin e saj Justin Bieber, pasi edhe teksti përkon me historinë e tyre.
Pas publikimit të këngës bashkëshortja e Bieber, modelja Hailey Baldwin ka publikuar këngën “I’ll Kill You” ku ndër të tjera në tekstin e saj thuhet ‘do të vras nëse merresh me bashkëshortin tim”.
Pas këtij publikimi mediat e huaja dhe komentuesit në rrjete sociale janë shprehur se kjo është një përgjigje e modeles për Selenën.
Megjithatë pak orë më vonë Balwdin ka reaguar duke thënë: “Ju lutem mjaft me këto gjëra pa sens…nuk ka ‘përgjigje’, kjo është tërësisht e kotë,”-ka thënë modelja, e cila vetëm pak javë më parë u martua në një ceremoni të dytë me këngëtarin Justin Bieber./Opinion.al/
