Të gjithë u habitën teksa panë këngëtaren Selena Gomez të kalonte kohë me ish të dashurin e saj Justin Bieber. Sidomos pasi ajo dhe i dashuri i saj prej 10 muajsh The Weeknd dukeshin mëse të lumtur së bashku. Por tani që Selena duket se po e shijon kohën e saj me Justin, i vetmi person i cili është i lënduar nga kjo histori është reperi i njohur.
Sipas “Hollywoodlife”, The Weeknd apo Abel është shprehur shumë i lënduar teksa Selena direkt pas ndarjes e ka zëvendësuar me ishin e saj. Ai kishte shpresa që Selena mund të ishte personi me të cilin do kalonte jetën, por me shumë gjasa marrëdhënia e tyre nuk ishte e thënë të zgjaste. Nuk dihet se si do vazhdojë historia mes Selenës dhe Justin, por prindërit e këngëtares nuk janë aspak të kënaqur me zgjedhjen e vajzës së tyre.
