E nisën si një ritakim miqësor mes ish të dashurish por që nuk do mbetej me aq. Pas asaj dite Selena do i jepte fund menjëherë lidhjes së saj me Abel, ose reperin e njohur si The Weeknd. Takimet mes Justin dhe Selenës filluan të bëheshin të shpeshta dhe të zgjatura, aq sa për pak u bënë të pandashëm. Por duket se lidhja mes tyre kësaj here po shkon shumë mirë. Një burim pranë çiftit është shprehur:
“Justin dhe Selena po përpiqen fort që të bëjnë lidhjen e tyre të funksionojë këtë herë. Ata kanë rënë dakord që në rast se përpjekjet e tyre dështojnë edhe këtë herë, atëherë do të mbeten miq.”
Mesa duket transplanti në veshtë që bëri Selena gjatë verës e riktheu Justin-in “lojë”. Çifti janë rikthyer bashkë dhe kanë vendosur që të mos e neglizhojnë lidhjen për shkak të karrierave profesionale përkatëse e të gjejnë gjithnjë kohë për njëri-tjetrin.
Justin po përpiqet të duket më i pjekur para familjes së Selenes, të cilët nuk e kanë edhe aq me sy të mirë. Edhe pse kalojnë shumë kohë së bashku, deri tani çifti nuk e ka vendosur ende të dalë publikisht si një çift apo të pranojnë lidhjen.
Burimi shton se si Justin dhe Selena janë më emocionalë tani e më të bashkuar me njëri-tjetrin se një vit më parë. Ata kanë darkuar sërish së bashku në Los Angeles duke qëndruar në restorant edhe dy orë të tjera pas orarit të mbylljes së tij.
