Shkëlqim Selami ka reaguar pas vendimit të KQZ për heqjen e mandatit të deputetit. Ai tha se nuk e paragjykon KQZ, por nuk do të dorëzohet do të ndjekë rrugën ligjore.
“Do zbatoj vendimin, nuk e paragjykoj por do e ankimoj në Kushtetuese dhe në të gjitha institucionet ku me jepet e drejta ta bëj këtë sepse në realitet nuk jam dënuar asnjë ditë”, tha Shkëlqim Selami i LSI-së.
Mesditën e sotme, KQZ-ja pranoi kërkesën e prokurorisë për të shpallur pavlefshmërin e mandatin të kryebashkiakut të Kavajës Elvis Rroshi, dhe deputetëve Shkëlqzim Selami dhe Dashamir Tahiri, për shkak se fshehën të dhënat në formularin e vetëdeklarimit.
