Kolegji Zgjedhor pritet të thotë ‘fjalën e fundit’ për betejën ligjore për rezultatin e zgjedhjeve parlamentare të 11 majit. Në orën 10:00 ka nisur seanca për shqyrtimin e ankimimit të PD-së, e cila kërkoi mosnjohjen e rezultatit me pretendimin se procesi është shoqëruar me parregullsi dhe shkelje të rënda ligjore.
Në mbështetje të PD ka në ambientet e Kolegjit Zgjedhor është paraqitur edhe kryetari i partisë “Bashkimi Popullor i Pensionistëve”, Selami Jenisheri.
Për Partinë Demokratike sot është mundësia e fundit për të rrëzuar rezultatin e certifikuar e parlamentareve të zhvilluara më 11 maj.
Jenisheri pretendon se këto zgjedhje janë një farsë që prej vitit 2021.
“Ne nuk jemi deputetë për të mbyllur gojën këtu. Na i ka mbushur xhepat me para populli dhe jemi betuar aty se do t’i dalim zot. Duhet të përulemi përpara popullit”, thotë Jenisheri.
