Rreth 1000 kilogramë metamfetaminë është sekuestruar nga Agjencia Amerikane e Antidrogës (DEA), duke vendosur kështu një rekord për sasinë e bllokuar të kësaj lënde narkotike në territorin amerikan.
Metamfetamina u sekuestrua në një magazinë në Los Anxhelos, dhe përveç saj DEA gjeti aty edhe 360 kg kokainë. Droga ishte paketuar në 25 çanta, dhe ishte ndarë në doza gati për shpërndarje, thanë autoritetet amerikane.
Sipas agjentëve të DEA-s, personat që kanë qenë përgjegjës për këtë sasi droge duhet të kishin lidhje të drejtpërdrejta me kartelet meksikane.
Drejtori i DEA-s, Timothy Shea, tha se arrestimi i bosit meksikan të drogës, Joaquin “El Chapo” Guzman pengoi punën e kartelit të Sinaloas, duke i dhënë një mundësi kundërshtarëve të tyre në kartelin Jalisco Nueva Generacion, që të përfitojnë për të zgjeruar territorin.
Por kjo luftë, sipas agjencive ligjzbatuese amerikane, vetëm sa ka rritur dhunën nga të dy anët e kufirit. Javën e kaluar 1360 kg metemfetaminë, heroinë dhe fetanol në formë pudre, u sekuestruan në anën meksikane të kufirit. Të dy këto sasi, tha Shea, mjaftojnë për të përgatitur nga një doze metemfetamine për çdo burrë, grua dhe fëmijë në SHBA dhe Meksikë./ Opinion.al
