Një sasi prej 55 kg lëndë narkotike kanabis sativa është sekuestruar sot, këtë herë në Pogradec. Gjatë kontrollit në fshatin Lin, rreth 300 m pranë një kompleksi kanë gjetur e sekuestruar në cilësinë e provës materiale 53 pako të mbështjella me letër natriban, me bimë të dyshuar si narkotike kanabis, me peshë totale rreth 55 kg.
Nga ana e Policisë po punohet për identifikimin, kapjen e autorëve si edhe zbardhjen e plotë të rrethanave të ngjarjes.
Veprimet procedurale të rastit u kryhen nga Specialistët e Seksionit për Narkotikët, në Drejtorinë Vendore të Policisë Korçë.
Dosja i ka kaluar Prokurorisë së Pogradecit për akuzën e “Prodhimi dhe shitja e narkotikëve”.
