Një sasi kokaine është sekuestruar në Portin e Durrësit ditën e sotme gjatë një operacioni anti-drogë. Sipas burimeve të Opinion.al kontejner vinte nga Ekuadori, ndërsa nuk është e qartë sasia e lëndës narkotike të gjetur në të.
Ndërkohë, Policia ka bllokuar kontejnerin e dyshuar, teksa po ushtron kontrolle fizike tek kontejnerët në Port.
Pak ditë më parë, më konkretisht më 1 prill, në Portin e Durrësit u sekuestrua një tjetër sasi kokainë prej 49 kg. Ajo vinte nga Amerika Latine në një kontejner me banane në pronësi të Selim Çekaj, babai i Arbën Çekaj, ky i fundit i dënuar me 14 vite burg për sasinë 613 kg kokainë në 2018. Të dy ndodhen aktualisht në burg.
