Dy persona janë vënë në pranga nga Policia e Lezhës ndërsa është proceduar një tjetër pasi iu janë gjetur armë zjarri me krehër me fishekë dhe doza me lëndë narkotike të dyshuar cannabis sativa.
Është vënë në pranga ka rënë një 47-vjeçar me inicialet M.M, banues në fshatin Torovicë, pasi mbante armë zjarri pa leje në banesë. Gjithashtu është arrestuar dhe 35-vjeçari Ded Deda, banues në fshatin Sukagji, për veprën penale “Kultivimi i bimëve narkotike”. Deda ishte shpallur në kërkim policor, pasi dyshohet si autor i tentativës për kultivim të bimëve narkotike në zonën e Kashnjetit në Lezhë.
Ndërkohë është proceduar dhe 20-vjeçari Kledian Hasa, pasi gjatë një kontrolli fizik të ushtruar ndaj tij, i janë gjetur dhe sekuestruar në cilësinë e provës materiale doza me lëndë narkotike të dyshuar cannabis sativa./Opinion.al
