Kronikë

Sekuestrohet 220 kg marijuanë në Ferizaj, mendohet se vinte nga Shqipëria

               Publikuar në : 15:28 - 10/02/19 |
el ena

Departamenti për Krime të Rënda në Prokurorinë Themelore në Ferizaj ka njoftuar se në bashkëpunim me njësinë antidrogë ka sekuestruar 220 kg marijuanë dhe tre automjete në dy lokacione. Substanca narkotike dyshohet se ka prejardhjen nga Shqipëria.

“Janë arrestuar pesë persona për shkak se ekziston dyshimi i bazuar se të njëjtit duke vepruar si anëtarë të grupit të organizuar mirë, kishin për të kryer vepër penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, nga neni 273, paragrafi 2 lidhur me nenin 281, të Kodit Penal të Republikës së Kosovës”.

Në njoftim thuhet se marijuana dyshohet se do të transportohej jashtë Kosovës, raporton Balkanweb. Një pjesë e grupit janë në arrati dhe ende hetimet vazhdojnë./E.L

Pas