Dy persona janë arrestuar nga Policia e Vlorës, pasi gjatë kontrollit iu janë sekuestruar armë zjarri.
Në pranga ka rënë S. S., 34 vjeç, banues në fshatin Armen të Vlorës, person me precedent të mëparshëm penal në fushën e vjedhjes.
Arrestimi i 34-vjeçarit u bë pasi gjatë kontrollit fizik, shërbimet e Policisë i kanë gjetur një armë zjarri pistoletë, e cila u sekuestrua në cilësinë e provës materiale.
Po ashtu, është bërë bërë arrestimi në flagrancë i shtetasit J. A., 26 vjeç, banues në Vlorë, i cili pasi pa shërbimet e policisë hodhi armën e zjarrit dhe tentoi të largohej me vrap por u kap dhe u prangos gjatë ndjekjes nga Policia./ Opinion.al
