Një 42-vjeçar i identifikuar si K.H është arrestuar në Rinas pasi akuzohet se ka futur mallra kontrabandë në vendin tonë.
Pas kontrollit të imtësishëm në bagazhin e makinës, nga uniformat blu , 42-vjeçarit iu gjetën dhe sekuestruan sende me vlerë, aksesorë floriri, si dhe 14 ora dore, të markave të shtrenjta, për të cilat, ai nuk dispononte faturë të blerjes.
Ai akuzohet për veprat penale “Kontrabanda me mallra të tjera”, “Mosdeklarimi në kufi i të hollave dhe i sendeve me vlerë”, “Fshehja e të ardhurave” dhe “Përvetësimi i parave ose mallrave që rrjedhin nga vepra penale ose veprimtaria kriminale”.
Sakaq, materialet procedurale i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme./Opinion.al
