Policia Doganore e Podgoricës ka sekuestruar 300 kg marijuanë në Malin e Zi.
Sipas informacioneve, lënda narkotike po transportohej me një kamion cisternë, ndërsa në pranga ka rënë drejtuesi i mjetit, një shtetas nga Bosnja-Hercegovina.
Mësohet se kamioni cisternë hyri nga Shqipëria drejt Malit të Zi dhe destinacion përfundimtar kishte Bosnje-Hercegovinën.
Pas dyshimeve, autoritetet doganore e kanë futur kamionin në një kontroll më të detajuar, ku u zbulua dhe droga e fshehur në një vend të posaçëm që ishte krijuar brenda cisternës.
Gjatë kontrollit skaneri tregoi se brenda cisternës kishte një hapësirë të dyshimtë, ku më pas u konstatuan dhe u kapën 300 kilogramë marijuanë e ndarë në pako.
