Ambasadorja Amerikane Yuri Kim përmes një publikimi në rrjetin social tuiter ka shprehur mbështetje për veprimtarinë e SPAK.
Duke pohuar se Shtetet e Bashkuara të Amerikës do të vazhdojnë të mbështesin reformën në drejtësi, Kim thotë se SPAK po jep rezultate.
“SPAK po jep rezultate, duke përdorur Ligjin Anti-Mafia luftuar korrupsionin. SH.B.A. vazhdon të mbështesë fuqimisht zbatimin e Reformës në Drejtësi, siç kërkohet nga populli shqiptar dhe në përputhje me statusin e Shqipërisë si Aleate e NATO-s dhe aspirante e BE-së”, shkruan Yuri Kim.
Kjo deklaratë e Ambasadores Amerikane vjen vetëm pak minuta pasi SPAK publikoi zyrtarizimin e sekuestrove të pronave për ish-kryeprokurorin Adriatik Llalla./Opinion.al
