Absolutisht të gjithë kanë luftuar të paktën njëherë në jetë gripin, ftohjen dhe sëmundje të tjera. Ndërsa nuk kursehemi të blejmë ilaçe dhe antibiotikë, apo të nisim dieta të shëndetshme, duhet thënë se kura më e mirë është falas!
Studime të shumta kanë vëzhguar ndryshimet dhe benefitet e një jete aktive seksuale në organizmin e njeriut por edhe në cilësinë e jetës. E ndërsa është thënë e stërthënë shumë herë që me seks dita nis me optimizëm, lumturi dhe gjendje të shëndetshme mendore, duhen shtuar edhe disa benefite të tjera.
E dinit që nëse jeni aktiv seksualisht, ju tërthorazi luftoni edhe sëmundje? Disa prej tyre madje janë edhe sezonale ndaj hidhini një sy:
-
Gripi dhe ftohjet
Sipas një studimi, njerëzit që bëjnë seks më shumë se dy herë në javë kanë nivel më të lartë antitrupash Imunoglobine A. Ky antitrup është mbrojtësi kryesor ndaj gripit dhe ftohjes, kështu që për t’ju shmangur virozave, bëni seks!
-
Lufton sëmundjet e zemrës
Nëse keni rrezik nga ataku kardiak apo të tjera sëmundje të zemrës, jetëgjatësia juaj është e garantuar nga një jetë aktive dhe e shëndetshme seksuale. Seksi ju ndihmon gjithashtu edhe nëse keni presion të lartë të gjakut.
-
Redukton stresin
Me siguri këtë e dinit dhe nuk është nevoja ta konfirmoni nga studimet e shumta. Gjatë orgazmës çlirohet hormoni i oksitocinës. Kjo e fundit kundërvepron ndaj kortizolit, i cili njihet edhe si hormoni i stresit.
-
Përmirëson kontrollin e fshikëzës së urinës
Gjatë seksit pothuaj të gjithë muskujt vihen në lëvizje, por ato të Kegelit që ndodhen te legeni janë më aktivet. Muskujt e Kegelit janë gjithashtu përgjegjëse për të kontrolluar fshikëzën e urinës. Jeta aktive seksuale stimulon dhe ushtron muskujt e Kegelit dhe parandalon shfaqjen e problemeve të moskontrollit të urinës./E.L
