Ish-ministri i Infrastrukturës dhe Energjisë, dhe Sekretari i Përgjithshëm i Partisë Socialiste Damian Gjiknuri është paraqitur sot në Prokurorinë e Posaçme kundër Krimit të Organizuar dhe Korrupsionit.
Mësohet se Gjiknuri është thirrur me kërkesë të prokurorit Dritan Prençi për të dëshmuar në cilësinë e personit që ka dijeni për çështjen e abuzimeve të ndodhura gjatë zbatimit të projektit të rrugës Tiranë-Elbasan.
Gjiknuri, në kohën kur ishte Ministër i Infrastrukturës dhe Energjisë kallëzoi në prokurori abuzimet e konstatuara nga raporti i auditit të kryer për zbatimin e këtij projekti.
Ai urdhëroi auditin dhe dorëzoi kallëzimin në Dhjetor të vitit 2017. Gjiknuri po jep sot sërish shpjegime për këtë çështje.
