Sekretari i Shtetit në Ministrinë e Jashtme gjermane, Michael Roth ka patur sot një takim me Ministrin e Jashtëm në detyrë, Gent Cakaj.
Përmes një postimi në Twitter ai e ka vlerësuar si të rëndësishëm këtë takim pasi mbahet në një “kohë kyçe” dhe ka konfirmuar mbështetjen për aspiratën e Shqipërisë drejt Bashkimit Europian.
Megjithatë Sekretari Roth i ka bërë apel opozitës se dhuna është e papranueshme dhe ka shprehur shqetësimin e tij për protestat e fundit të opozitës.
“Jam shumë i shqetësuar nga dhuna e përdorur në protestën e fundit të opozitës. Një mesazh shumë i qartë për opozitën: Dhuna nuk është aspak e pranueshme. Ndërkohë, ne vazhdojmë të mbështesim perspektivën europiane të Shqipërisë. Na duhet të mbajmë premtimet e dhëna”, -shkruan Roth./Opinion.al/
