Sekretari amerikan i Shtetit, Antony Blinken, ka nisur bisedimet në Pekin me ministrin e Jashtëm kinez, Qin Gang, sikurse raporton CNN.
Televizioni qendror kinez raportoi gjithashtu fillimin e diskutimit, duke postuar një foto në të cilën të dy shtrëngojnë duart dhe duke shpjeguar se “bisedimet mes ministrave të jashtëm të Kinës dhe Shteteve të Bashkuara kanë filluar zyrtarisht”.
Blinken është Sekretari i parë i Shtetit që viziton Kinën në 5 vjet dhe zyrtari më i lartë amerikan që përmbush një mision të tillë që kur Joe Biden mori detyrën në fillim të vitit 2021 si president.
Blinken u takua me Qin Gang në një vilë shtetërore në kopshtet e lashta Diaoyutai të Pekinit, ku të ftuarit kinezë më vonë do të organizojnë një banket.
Të dy kaluan në tapetin e kuq dhe shtrënguan duart përpara flamujve të dy vendeve duke mos bërë asnjë koment.
Ndërsa askush nuk pret përparime të mëdha, duke pasur parasysh fushat e shumta të mosmarrëveshjeve, ideja mbetet për të filluar një shkrirje në raportet diplomatike dhe për të mbajtur një dialog për të “trajtuar marrëdhëniet kinezo-amerikane me përgjegjësi”, sipas Departamentit të Shtetit./Opinion.al
