Kina nuk i është bashkuar Shteteve të Bashkuara në negociatat tregtare, tha sot Kongresit Sekretari i Thesarit, Scott Bessent.
Presidenti Donald Trump ka thënë se SHBA-të po bisedojnë me Kinën për tregtinë, edhe pse Pekini ka mohuar se po zhvillohen biseda.
“Me Kinën nuk jemi angazhuar ende në negociata”, tha Bessent gjatë një seance mbikëqyrëse para Dhomës së Përfaqësuesve.
“Pra, pres që të shohim një ulje të konsiderueshme të tarifave që na janë ngarkuar, si dhe të barrierave jo-tarifore, manipulimit të monedhës dhe subvencioneve si të punës ashtu edhe të investimeve kapitale”, shtoi ai.
Ndërsa përpjekjet aktuale janë përqendruar në negociatat kokë më kokë, ai tha se marrëveshjet tregtare shumëvendore janë ende të mundshme nëse kombet mund të bien dakord për një strukturë të përbashkët tarifore.
