Vijon protesta e opozitës në Parlament. Deputetët e opozitës kanë shkuar këtë të enjte në seancë plenare me pankarta ku shkruhen mesazhe kundër qeverisë.
“Na duhet qeveri, jo kartel”, “Vrasës i pluralizmit”, ‘Gjykatat e Shqipërisë, apo gjykatat e Ramës”, “Edhe Rama, në burg si Mcgonigal”, “Na ktheni atë që është e jona!“, janë disa nga mesazhet që kanë zgjedhur opozitarët sot.
Ndërkohë, disa deputetë kanë zgjedhur që të bllokojnë në rresht foltoren, duke mbajtur në duar pankarta të vogla.
Kujtojmë se opozita ka parlajmëruar se do të vazhdojë aksionin e saj në Kuvend deri sa të dëgjohen kërkesat që ka ndaj qeverisë, përfshirë këtu Komisionet Hetimore.
