Gjykata e krimeve të rënda nis seancën për masën e sigurisë ndaj 11 personave të arrestuar pas protestës së të enjtes të banorëve të Astirit. Të afërmit e banorëvve janë mbledhur përpara gjykatës, ku janë edhe përfaqësues të opozitës, deputetë të PD dhe LSI.
Seanca po zhvillohet nën masa të rrepta sigurie, ndërkohë që dera nga hyn publiku zakonisht sot është bllokuar, duke lejuar vetëm prokurorët dhe gjykatësit.
Megjithatë, pas disa diskutimeve me policinë deputetët opozitarë kanë arritur të hyjnë në seancë.
Të afërm të personave të arrestuar nga policia janë shprehur të indinjuar dhe kanë hedhur akuza e fyerje direkt për Kryeministrin Rama, të cilin e fajësojnë për prishjen e shtëpive të tyre.
