Në seancën gjyqësore ndaj ish-kryeministrit, Sali Berisha në Apel deri më tani janë dëgjuar vetëm pretendimet e këtij të fundit, teksa vetë Berisha nuk u paraqit, por u shfaq në seancë në Kuvend.
Përmes avokatëve ai ka kërkuar prishje të vendimit të masës së sigurisë me pretendimin se nuk ka kryer asnjë vepër penale.
Avokatët e kanë cilësuar vendimin e GJKKO si antikushtetues, pasi SPAK duhet t’i ishte drejtuar kuvendit për autorizim.
Po sipas tyre, nuk plotësohet asnjë nga kushtet ligjore për caktimin e masës së sigurisë, pasi Berisha nuk ka rrezik largimi dhe as dëmtimi të provave.
