Partia Demokratike duket se nuk do ta votojë emrin e Lindita Nikollës si Kryetare e Kuvendit të Shqipërisë. Lajmi bëhet i ditur nga burime brenda PD, ndërsa mësohet se Basha u ka kërkuar deputetëve që të jenë unanimisht në votim kundër në seancën që do të mbahet në orën 17:00 .
“Nuk dua të përsëritet precedenti i 2017, kur pati vota pro Ruçit,” është shprehur Basha në mbledhjen që pati në selinë blu.
Ndërkohë është ende e paqartë nëse Sali Berisha nga ky moment do t’i bashkohet ndonjë grupi parlamentar apo do të qëndrojë si deputet i pavarur. Ka zëra që flasin për një grupim të gjithë partive të vogla opozitare në një grup kuvendor, por edhe nëse kjo ndodh nuk dihet nëse Berisha do t’ju bashkohet./Opinion.al
