Parlamenti i Shqipërisë i dalë nga zgjedhjet e 25 prillit do të nisë nesër punimet për legjislaturën e re.
Në seancën e nesërme pritet që të betohen të gjithë deputetët, si dhe kryetarja e re e Kuvendit, Lindita Nikolla.
Deputetja Luljeta Bozo do të jetë drejtuesja e seancës së parë të Legjislaturës së X dhe Kuvendit të Shqipërisë.
Në Kuvend do të jenë dhe deputetët e opozitës, të cilët mungonin që nga Shkurti i vitit 2019 për shkak të djegies së mandateve.
Sakaq, në njoftimin e shpërndarë nga zyra e shtypit thuhet se duke qenë se janë ende në fuqi masat për mbrojtjen nga pandemia COVID-19, nuk është e mundur që gazetarët dhe kamerat të hyjnë në sallë, por do të lejohen vetëm në oborrin e Sallës së Seancave Plenare, në vendin e caktuar për shtypin.
